Ministan Albarkatun Ruwa da Tsabtace Muhalli, Joseph Utsev, ya bayyana cewa ƙananan hukumomi 226 a cikin jihohi 33 da kuma Babban Birnin Tarayya na cikin yankunan da ke fuskantar barazanar ambaliya mai tsanani a shekarar 2026.
Gidan talabijin na Channels ya ruwaito ministan ya kuma ƙara da cewa, akwai wasu al’ummomi 923 da ke cikin ƙananan hukumomi 77 a jihohi 24 da ake sa ran za su fuskanci ambaliya mai sauƙi.
