Wani rikici ya barke a wasan ƙarshe na kofin Campeonato Mineiro tsakanin Cruzeiro Esporte Clube da Atlético Mineiro a Belo Horizonte, inda aka bai wa ‘yan wasa 23 daga bangarorin biyu jan kati saboda haddasa rikicin.
Al’amarin ya fara ne a ƙarshen wasan, lokacin da mai tsaron raga na Atlético, Everson, ya cakuɗa Christian na Cruzeiro bayan ya yi karo da shi yayin fafatawa kan kwallo da mai tsaron ragar ya ɗauka.
Bayan rikicin, alkalan wasan sun bayar da jan kati guda 23 ga ‘yan wasan – 12 daga Cruzeiro da 11 daga Atlético, duk da wasan ya ƙare ba tare da fitar da ‘yan wasa nan take ba.
Rikicin ya kunshi har ‘yan wajen fili da masu horaswa, kuma an ɗauki lokaci mai yawa kafin a samu nasarar shawo kan lamarin.
